اسماء غربي – كود//

عثمان مولين مول البندير لي سب العيالات المغربيات في فيديو سابق مع بشرى ضو وقال أن 80% كيشربو ويفسدو وخارجات الطريق غادي يحتفل بهم، وداير حفلة فيها هو الوحيد راجل بيناتهم.

عثمان هادي عامين ماخلا في المغربيات غير لي نسا طيح منهم وسبهم وعايرهم، ودابا هوما لي معيشينو بالحفلات والنشاط ديالهم.

وبكاع قصوحية الوجه ديالو غادي يدير حفلة 100% عيالات في القنيطرة الحد الجاي الثمن ديالها 370 درهم. وهادشي في احتفالات 8 مارس، اي اليوم العالمي للمرأة.

قبل مانحتافلو بالمرأة في نهار مخصص ليها، خاص نحتافلو بها كل نهار، ونحتارمو حريتها، ومانسبوهاش ومانسميوهاش “فاسدة” غير حيت كتنشط وتشطح وكتشرب وكتمتع بحياتها كيف بغات، هاديك كتسمى حرية فردية.