كود كازا ////

مولاي حفيظ العلمي، رئيس لجنة المغرب 2026، بان ناشط في لقاء صحافي قبل قليل بمدينة الدار البيضاء. فرحان وثايق فالملف المغربي. هاد الشي اللي دوزو فهاد الندوة الصحافية. هاد النشاط جاي من كون لجنة الفيفا اللي زارت المغرب ومشات اليوم فالوحدة ونص الصباح من مطار محمد الخامس عبرت عن ارتياحها للملف المغربي.
العلمي قال ان هذه الزيارة خلات المغرب يفهم مزيان عمل الفيفا وانتظاراتها وكثفات التواصل

كما كشف العلمي ان لجنة خبراء متخصصين جايين الاسبوع المقبل الى المغرب باش تاخد معطيات اكثر حول الملاعب المفككة بالاضافة الى الايواء في الفنادق

العلمي كشف ان اللجنة دارت ملاحظات للمغرب بحال وجود بيست فبعض الملاعب وهاد الشي نقطة سوداء حقاش الفيفا عندها معايير خاصة فالملاعب.

لكن من النقاط الايجابية الكثيرة اللي كشفها وعجبات هاد اللجنة “شعورهم باللي الشعب المغربي كولو منخارط فهاد التنظيم بالاضافة الى تقديم عرض مفصل للوضعية المالية وتهم استثمارات المغرب في هذا المونديال.

وكشف ان اللجنة طلبات تشوف بعض الاماكن اللي ما كانتش مدرجة فجولتها.