بمشاركة براهيم دياز.. الركراكي بدا الخدمة مع لاعبين المنتخب وها علاش ركز معهم
عمر المزين – كود – مكتب الرباط //
وزير الصناعة والتجارة والاقتصاد الأخضر والرقمي، مولاي حفيظ العلمي، كشف اليوم الإثنين أمام مجلس النواب أن الحكومة قبل مكانتش كتفكر تدير “حظر تجول ليلي” و تسد خلال شهر رمضان.
وأشار المسؤول الحكومي، في رده على تعقيبات فرق المعارضة، قائلاً: “ماكناش كنتخايلو نسدو ف رمضان وماكانش قرار قبل هاد الشهر باش غادي نسدو، وقبل أسبوع من رمضان ماكان حتى شي حاجة غادي تسد”.
وأفاد الوزير العلمي بأن الحكومة اتخذت القرار بسرعة منين شافت الأرقام وظهور سلالات متحورة، مبرزا بأن الهدف كان هو نردو البال في شهر رمضان خوفا من شي مشكل أكبر.
وتابع قائلاً: “في الأول كانت نازلة المؤشرات وقلنا الحمد للـه غادي ندوزو رمضان عادي لكن صراحة الأرقام اللي طلعو من بعد خلات الجميع خاصو يرد البال حقاش الصحة دالمواطنين أهم من الاقتصاد”.
وقال بأنه “فجميع المصالح التابعة لوزارته كنتأسفو بشكل يومي منين كنشوف الحالة الاقتصادية ديال بلادنا وخاصة القطاع غير المهيكل يتضرر”.
الوزير خاطب بعض البرلمانيين بأنه ماعندوش خبرة باش يجاوب على عدد من المزايدات اللي تدارت قبل الكلمة ديالو أمام البرلمان.