وكالات //

بدات محكمة في ألمانيا الجلسات ديال محاكمة أم عندها 28 عام قتلات 5 ولادها.

الأم وقبل ما تقتل ولادها، اللي عمرهم ما بين عام و8 سنين، شرباتهم فانيد ديال النعاس، وبعدها خشاتهم في دوش وخنقاتهم.

الجريمة وقعات فـ شهر شتنبر 2020، وكانو البوليس لقاو الجثث ديال الدراري في دارهم وكل واحد لاوياه بفوطة.

الأم قالت أنها ماشي هي اللي قتلات ولادها، وأن راجل ملثم هو اللي دخل ودار الجريمة، لكن السبب الحقيقي تعرف و هو أنها نتاقمات من طليقها اللي كان تصاحب من جديد.