وكالات //

بسباب أنها كانت كتبكي بزاف، أم وأب فمنطقة “الجيزة” فمصر قتلو بنتهم الرضيعة، بعدما عذبوها وشبعوها عصا حتى ماتت.

البوليس ف”الجيزة” وصلهم بلاغ مؤخرا من الصبيطار اللي ماتت فيه البيبي، واللي قال بأن لحم البنيتة زركَ بالعصا، وهادشي اللي خلاهم يشكو فسبب وفاتها.

الأم والأب كانو ناكرين كلشي وصرحو بللي الضحية طاحت من فوق الكاتري، ولكن فاللخر اعتارفو من بعدما واجهوهم بتقرير طبي على حالة البنيتة.

وقالو فتبريرهم الغبي والوقح للجريمة، بللي البنت كانت كتبكي بزاف وما كتبغيش تسكت واخا المحاولات اللي كيديرو، وهادشي اللي خلاهم يبداو يعصيو فيها باش يسكتوها.

جريمة صدمات سكان منطقتهم وخصوصا جيرانهم، وحتى رواد السوشل ميديا بعدما راج خبر هاد الموصيبة اللي تورط فيها الكوبل المصري فحق بيبي بريئة.