ملف الطبيب التازي : مرافعة الوكيل العام تقول ان جناية الاتجار بالبشر كينا
هناء ابو علي كود ////
موروكو مول كان غا يتفركع نهاية الأسبوع (السبت والأحد) بالناس اللي جاو من كازا والنواحي والرباط ومراكش باش يكتشفو المتجر الرقمي الجديد ديال سلوى أخنوش والعلامة ديالها الجديدة “يان آند وان”.
3500 متر مربع، مساحة المتجر، كانت كلها عامرة بالبنات والعيالات لكبار والدراري الصغار وحتى الرجال، وما عندكش فين تحط رجليك، خاصة أن المتجر موفر اختصاصيين وخبراء فالتجميل من فرنسا ولبنان كا يساعدو الزبناء على اختيار الماكياج المناسب ليهم، وكا يديرو ليهم تجارب. بزافت لبنات كيمشيو لهاد المتجر الذكي غير يتزوقو ويتريحو ويخرجو.
البنات جربو جميع أنواع العكر والفوندوتان والريحات.. وكلشي اللي فالمحل كا يرحب بيهم وتحت الخدمة ديالهم بما في ذلك مولات المتجر سلوى أخنوش الإدريسي اللي كانت واقفة النهار كامل كا تستقبل الناس وتسلم عليهم وترحب بيهم قدام الباب ديال المحل ديالها.