كود كازا//
مع اقتراب موعد عرض قانون الإضراب على مجلس المستشارين الأربعاء القادم، موخاريق خدام فالكواليس تيضغط على الكتاب الجهويين باش يديروا اجتماعات رغم منع التجمعات الكبرى.
موخاريق اللي خايف يلقى راسو مضطر الاستقالة وعقد مؤتمر استثنائي بعد المصادقة على قانون النقابات اللي كيقطع الطريق على اللي وصل سن التقاعد يكونو مسؤولين فالنقابات، خدام كيهيج فالناس.
مصادر كود كتقول ان موخاريق حصل على وعود بعقد سبع اجتماعات جهوية بعضها متبوع بوقفات احتجاجية للتعبير عن رفض قانون الإضراب.
اللي غريب فهاذ الشي هو عدم عقد المكتب الجهوي للدار البيضاء لاجتماع مماثل مخافة مهاجمة موخاريق ومطالبته بالرحيل بسبب ما تتعرض له الشغيلة ويقابل بصمت النقابة، لا سيما سوء تدبير تغول الباطرونا بعد فرض الحجر الصحي.
قانون النقابات اللي طير لموخاريق النعاس من عينيه غادي يشطب على المتقاعدين وكيحدد تولي الأمانة العامة فولايتين وكيربط الدعم باحترام القانون.
