الرئيسية > آش واقع > من بعد 4 هزات متتابعة.. عاوتاني الزلزال ضرب الدريوش
02/08/2021 12:50 آش واقع

من بعد 4 هزات متتابعة.. عاوتاني الزلزال ضرب الدريوش

من بعد 4 هزات متتابعة.. عاوتاني الزلزال ضرب الدريوش

كود كازا//

ساكنة الدريوش ولاو يولفو الزلازل القوية والمفاجئة اللي كتضرب المنطقة، بحيث مازال مادازت حتى 3 أيام على الزلازل الأربعة اللي ضربو الإقليم بقوة، حتى تهزات الارض مرة خرى تحت رجليهم، اليوم الإثنين.

فبلاغ ليها علنات الشبكة الوطنية للمراقبة والإنذار الزلزالي، التابعة للمعهد الوطني للجيوفيزياء، على هزة أرضية بقوة 3,6 درجات على سلم ريشتر فالإقليم هذ الصباح.

وتحدد مركز هذ الزلزال بعرض ساحل إقليم الدريوش، ووقع على الساعة التاسعة و49 دقيقة و29 ثانية بتوقيت غرينيتش+1.

وزاد المصدر نفسو أن الهزة تجلات على عمق 16 كيلومتر، عند التقاء خط العرض 35.546 درجة شمالا، وخط الطول 3.604 درجة غربا.

موضوعات أخرى

20/04/2024 01:00

نهضة بركان غيمشيو من مطار الجزائر للوطيل يرتاحو والكاف عطاهم ضمانات على التونيات

19/04/2024 22:30

مغربي غير حط رجليه فمطار روتردام بعد عطلة العيد.. لقى البوليس كيتسناوه باش يدوز حكم ديال 5 سنين ونص فالحبس

19/04/2024 21:59

الروينة وسط “علي مومن” بعدما طيحو الجدارمية بسطات ريزو كيبيع المخدرات فالحبس كيتزعمو موظف