نجوى المالحي-كود//

كشفات المنشطة التلفزية زينب صابر لي كانت كتقدم برنامج “تغريدة” سابقا وبرنامج “أسرتي” حاليا على الأولى، أن راجلها التونسي غادي يرجع لبلادو اليوم الأحد بعدما دخل للمغرب هادي 4 اشهر وصدق حاصل مع اغلاق الحدود بسباب كورونا.

زينب أكدات أنها غادي تبقى في المغرب بسبب التزاماتها المهنية لأن تورناج حلقات البرنامج الأسري مازال مستمر وغادي يسالي حتى لنهاية هاد الشهر.

الكوبل عندهم وليد صغير سميتو “بسام”، وغادي يبقا مع ماماه ومن بعدها مباشرة غادي تجمع العائلة في تونس وترجع زينب الا كانت عندها الخدمة عوتاني.