وكالات //

وصل النزاع القضائي بين الممثلة العالمية الميريكانية “​ميكَان فوكس”​ و”​سينثيا بيت دانتي” ​مديرة أعمال الممثل العالمي ​”براد بيت”، للحد ديالو بعدما دازت 3 سنين من القضية.

النزاع بدا بعدما شرات فوكس دار من عند دانتي في 2016 بقيمة 3.3 ملايين دولار، لكن تفاجآت ملي شراتها أنها مكرفسة وموسخة وحالتها حالة.

وذكرات فوكس في الوثائق المقدمة للمحكمة أن الدار كانت حالتها وخسرات عليها فلوس صحيحة باش تقادها وحتى العفن اللي كان فيها مرضها في صحتها.

في الأول عرضات دانتي مبلغ 100 ألف دولار كتعويض عن الأضرار المادية اللي تكبّداتها فوكس، ولكن في النهاية انتهت الدعوى بتسوية وافق عليها الطرفان بقيمة 5 ملايين دولار.