وكالات //
علنات المقدمة والكوميدية “إيلين ديجينيريس Ellen DeGeneres” في حوار دارتو مع موقع “هوليوود ريبورتر” أنها غادي تحبس برنامجها التلفزي “The Ellen DeGeneres Show” العام جاي.
القرار خداتو إيلين بسبب تراجع المشاهدات و الصداع واللغيط اللي ناض عليها العام اللي فات حيت كانت ماكتعاملش الناس اللي خدامين معاها في البرنامج مزيان، وخا كاتروج لأفكار ديال أنها ضريفة ولكن العكس هو اللي كان فالخدمة ديالها، و توصفات ظروف العمل فبرنامحها بأنها “مسمومة”.
برنامج “ذي إيلين ديجينيريس شو” كايقدم حاليا الموسم ديالو 17 وفي هاد السنوات كلها اللي فاتت قدرات إيلين تفرض راسها كمذيعة مثلية قبل ما ينوض عليها الصداع.