نجوى المالحي- كود//
واش لي دار شي زبلة كينوض يقول لا ماكنتش عارف، راه خاص الناس تكون عارفة خصوصا لي كيكونو مشهورين ومتبعينهم الآلاف ودايرين فيها “مؤثرين”.
واحد المؤثرة لي عندها صالون كبير في كازا، بعدما خرجات قالت أن الناس لي كيموتو في السبيطارات ما كتقتلهومش كورونا وانما الاهمال، ناضت دارت فيديو جديد قالت ما كنتش عارفة وكتعتذر من الأطر الطبية وأنها بغات دير الخير كيف موالفة كدير.
بغينا نعرفو غير فين الخير في فيديو كيسب وكيسفه المجهودات ديال الدولة والاطر الطبية لي كتواجه الجائحة، ولا لي بغا يدير البوز كينوض يقول مابغا في مواقع التواصل حيت فابور.
