كود الرباط///

عبد الحكيم بنشماش لي رجع بطل فعدد رفع الدعاوي القضائية على الصحافيين وزملاؤه فالحزب، باغي يرد ديك المقال التافه اللي سماه “طريق الانبعاث”، وثيقة خاصها تناقش ويدارو عليها محاضرات.

الندوة اللي غادار غدا مع الثلاثة ديال العشية، غايتناقش فيها هاد المقال التافه لي باغي يعتابرو بنشماش طريق للمؤتمر الرابع، فالوقت اللي هو كيحاول يبيع الهضرة وماقادر يدير حتى لقاء للمناضلين لأنه عارف مغايجيوش، تيار المستقبل قدر ينظم لقاءات كبيرة، وهادشي لي خلاه يدير هاد الوثيقة باش يغطي على الفشل ديالو داخل الحزب وأنه أمين عام بدون حقيبة.

تجدر الاشارة إلى أن بنشماش خسر على هاد وثيقة الانبعاث عشرات الملايين وقدرتها بعض المصادر بأزيد من مائة مليون سنتيم، باش تنشر فالجرائد، وكاين جرائد رفضت نشرها نهائيا، فيما نشرتها أخرى من باب الاشهار ولم تمل لجانبه في ازمة البام، وذلك بعدما أزم علاقته مع الصحافة لرفعه دعوى على اربعة صحافيين.