وكالات//

وجهات وزيرة الخارجية الميريكانية السابقة هيلاري كلينتون والمرشحة السابقة للانتخابات الميريكانية رسالة لرئيسة الوزراء الفنلندية سانا مارين، من بعد الأزمة لي دازت منها في الفترة الأخيرة، بعدما انتشر فيديو ديالها كتشطح في حفلة خاصة وخرجو صور من دارها بانو فيهم بنات كيتباوسو وصدرهم عريان.

هيلاري كلينتون نشرات تصويرة قديمة وهي كتشطح فاش كانت وزيرة الخارجية ديال ميريكان، وطاكات رئيسة الوزراء ديال فنلندا وقالت ليها “شطحي بلا توقف”.

رسالة الدعم ديال هيلاري كلينتون شاركاتها سانا مارين على حسابها في تويتر وكتبات عليها شكرا هيلاري ودارت ليها قلب أحمر.

Thank you @HillaryClinton ❤️ https://t.co/8XU9RKUlas

— Sanna Marin (@MarinSanna) August 28, 2022