وكالات //

الملياردير الميريكاني ومول شركة “تيسلا”، إيلون ماسك، شاد الترند ف”تويتر”، فمن بعد لافير اللي فشلات و وقع فيها الصداع الخاصة بشراء موقع “تويتر”، دابا قال أنه ناوي يشري النادي النكَليزي ديال كرة القدم مانشستر يونايتد.

أيلون ماسك كتب تغريدة فالكونط ديالو ف”تويتر”: “غادي نشري مانشستر يونايتد”، وملي سولو واحد من المتتبعين واش بالصح غادي تشري النادي؟ جاوبو أيلون: “لا غير كنضحك وهادي كنقولها من مدة طويلة على تويتر، ما غادي نشري حتى فرقة رياضية”.

وواخا أنه قلبها ضحك، ولكن وسائل إعلام، خصوصا الميريكانية، خدات التغريدة ديال أيلون ماسك بجدية، وقالت أن الميلياردير ماكيهضرش من فراغ، وراه ممكن فعلا يشري مستقبلا أي نادي ديال الكورة.