موقف بركان قوي واتحاد العاصمة ضعيف وها الأحكام اللي يقدر يصدرها الكاف فقضية الغاء الماتش بسبب حماق الكابرانات
وكالات //
من بعد عملية زرع قلب ديال خنزير لبنادم هادي أيام، نجحو أطباء جراحة في جامعة ألاباما في برمنكَهام الميريكانية (University of Alabama at Birmingham) ولأول مرة باش يزرعو كلاوي ديال حلوف لبنادم.
الشخص ميريكاني، سميتو جيم بارسونز، عندو 57 عام، وهو ميت دماغيا بعدما تضرب فراسو بسباب موطور وتهلن على وفاتو رسميا فشهر شتنبر 2021، ووافقات العائلة ديالو باش يزرعو ليه جوج كلاوي ديال خنزير، وهي العملية اللي تدارت من بعد 4 اياممن الإعلان الرمسي على وفاتو.
وتحيدو الكلاوي ديال بارسونز، فالوقت اللي دمو مزال كيدور فذاتو، قبل ما يتم زرع العضوين المأخوذين من حلوف معدل وراثيا، حسب جريدة “نيويورك بوست” الميركانية.
والكلوة ديال الخنزير اللي تزرعات لبارسونز كانت كتصفي الدم وتخرج البول، والجسد ديالو استقبلها ومارفضهاش، وبقا العضو حي لمدة 3 أيام.