نجوى المالحي-كود//

ردود الأفعال ضد تصريحات الصحافية المغربية زينب الغزوي لي قالت أن بوليس فرانسا خاص يتيري بالقرطاس الحي على المتظاهرين مازال مستمرة، وكل نهار كيبان عدو لي كيندد بداكشي لي قالت.

ومن بعد الرابور العالمي الفرنسي ايلي يوفا لي مشهور ب”بوبا”، ولي هددها وطلب من الناس معاقبتها في انستگرام، خرج الممثل المغربي سعيد التغماوي ببوسط في انستكرام كلاشاها فيه.

وكتب الممثل العالمي وبطل فيلم “علي زاوا” في تعليق على تصويرة الصحافية السابقة في صحيفة “شارلي ابدو” “عمري راسك بالحب، را غير سعيد التغماوي لي نجح بالحقد”.

وخرجات الغزوي بتويت جديد كتدافع فيه على شنو قالت، وفسرات فيه ان هدرتها تم تأويلها وانها ماشي داكشي اللي عنات، ولكن واخا هكاك الحملة ضدها مازال مستمرة.