نجوى المالحي- كود//
من بعدما غبرات وسدات القناة ديالها في يوتوب، رجعت اليوتوبوز إكرام بيلانوفا مرة أخرى في ستوريات على حسابها في انستكَرام باش تعلن الطلاق ديالها من راجلها الألماني.
إكرام صورت الستوريات من المستشفى فين قالت أنها كتتعالج، وقالت أنها اختارت طلق من راجلها، وباغية ترجع للمغرب باش تشوف عائلتها.
وقالت إكرام ان الفترة الأخيرة كانت صعيبة بزاف، خصوصا من بعد المشاكل لي وقعت ليها في مواقع التواصل الاجتماعي وهادشي أثر ليها على حياتها.
إكرام بيلانوفا كتعتبر من بين اليوتوبوز القدام في الدومين، وفيديوهاتها كيحققو مشاهدات عالية، لكنها في الفترة الأخيرة تعرضت للتنمر بسبب زواجها من رجل كبر منها في السن.