الرئيسية > تبركيك > من بعد الفيديو لي كذباتو فيه مديرية الأمن.. البوليسي الملولي كيهدد يحرگ ويخوي البلاد
08/12/2019 21:00 تبركيك

من بعد الفيديو لي كذباتو فيه مديرية الأمن.. البوليسي الملولي كيهدد يحرگ ويخوي البلاد

من بعد الفيديو لي كذباتو فيه مديرية الأمن.. البوليسي الملولي كيهدد يحرگ ويخوي البلاد

نجوى المالحي-كود//

البوليسي السابق هشام الملولي لي دار فيديو كيشكي فيه حيت مكيتخلصش ومعندوش أهمية في المغرب ولي خرجات المديرية العامة كذباتو وقالت أنه مازال متابع في قضية احتجاز واغتصاب ومازال مخداش البراءة ، عاود دار بوسط جديد كيهدد فيه بخويان المغرب ويمشي حاركَ.

وكتب الملولي “بالفيزا ديالي وغادي نركب قوارب الموت حيت عمري حسيت براسي عندي شي أهمية وسط بلادي … بلادي اللي تقاتلت وعطيتها كولشي وعطاتني بالظهر … بلادي اللي معمرها اعتارفات بيا ولو بكلمة طيبة … لكنت غلطت شي مرة بدون قصد واش خصني نخلص حياتي كاملة”.

وأضاف “كيفاش بغيتيني نشوف شيخة تتاخد أكثر من 10 ديال الملايين فسهرة وأنا عندي 6 ديال الأحزمة سوداء ومتنستاهلش حتى نظرة … لكونت صابر وساكت غير باش نبرد على ولاد الشعب ونطلع ليهم من المعنويات ديالهم باش ميفقدوش الأمل اللي فقدتو أنا شحال هادي … واش خصني نخلص فقط لأنني مختلف وطموح أولا وقيلا نبقا عايش بلا روح … لشفتيني صابر وساكت راني ماشي مصنوع من فولاذ ولكن متحكرنيش لحقاش معايا ربي ورب العباذ اللي مغيخلينيش”.

وحقق الفيديو لي تشكا فيه الملولي مليون مشاهدة فيوتوب في 10 ديال السوايع

موضوعات أخرى

29/03/2024 00:00

نقابة الصحافة زادت دروس أخرى على دروس “الهاكا” فقضية فبركة جريمة شفرة على المباشر.. كنبهو للانزلاقات الكثيرة لي كتوقع فعمل بعض الإذاعات الخاصة ويجب إعادة النظر فالقانون المنظم للقطاع السمعي البصري

28/03/2024 23:30

جثة مجهولة كلاوها الكلاب فالطريق بين العيون وفم الواد دارت استنفار فالجوندارم