عساكرية من مالي والنيحر شاركو مع البوليساريو فتمرين دارتو دزاير (تصاور)
كريم الشركي – كود///
المغربية حكيمة اللي فعمرها 29 عام، نعسات عادي وفاقت وهي واحد من أكثر الناس اللي تعرضوا للتهديد بالقتل والاغتصاب والتعذيب بسباب آيات كوفيد19، او سورة كورونا، اللي كتبها شي حد غير معروف.
هاد القصيدة الشعرية اللي كتحاكي سور القرآن لكنها مكتعلنش صراحة استهزاءها بالقرآن، جرات مشاكل كبيرة على 3 ديال العيالات لحدود الساعة هن آمنة فتونس، وحكيمة فكطالونيا، وسناء فالجزائر، وذلك ماشي لأنهم كتبوها بل غير لأنهم بارطجاوها.
حكيمة قالت أنها نشراتها على حسابها الفايسبوكي، وبعدما ماتلقاتش شي ردود سلبية مشات تنعس، وملي فاقت لقات ميساج من صديق كيقولها شوفي الكونط ديالك، طبعا ملي دخلات لقات اكثر من600 تعليق فيهم تهديدات بسباب القصيدة اللي نشراتها.
حكيمة قالت لصحيفة ” ال دياريو” الاسبانية، أن هاد القصيدة لم يكن هدفها بتاتا الاستهزاء من القرآن، وانما هي فقط تحاكي طريقة القرآن.
الاسبان مافهموش كيفاش مزحة بحال هادي تخلي ناس واخا ماعندهومش علاقة بالاصولية يهاجمو حكيمة، حيث أن المئات من المعلقين كيبانو متفتحين ومعتدلين، لكن هددو بالقتل والاغتصاب..
التخلف والجهل والكلاخ والتدعشيش كاين فالدماغ ماشي فالمظهر.