نجوى المالحي-كود//
قدمات المغنية رجاء بلمير للمتتبعين ديالها كادو العيد الصغير بعدما عاودت غنات “آه يا ليام”، اغنية جنريك مسلسل “سلمات أبو البنات”، لي تعرض في شهر رمضان، ولي غنات فيه سلمى رشيد.
رجاء بلمير نشرات البارح نهار العيد الفيديو على حسابها في أنستكَرام، وحقق مشاهدات كبيرة في ظرف أقل من 12 الساعة، وتعليقات المتتبعين والأصدقاء ديالها كانت إيجابية.
رجاء بلمير لي مازالة ساكنة فالحي الشعبي فين كبرات وسط درب السلطان، اختارت طريق ساهلة باش تحقق الاستقلال المادي ديالها وسط مجال الفن، ومشات في جهة العراسات ديال الخليج وولات مركزة عليهم بشكل كبير.
