29/03/2024 11:00
الدريب لـ گود: الناصيري عطى لكثير للوداد وهادي صفحة وطويناها ودابا حقبة جديدة برئاسة البرناكي وغنخدمو لإرضاء الوداديين
وكالات //
من بعد سنوات طويلة ديال فرض نظام الرقابة على الأفلام السينمائية، الحكومة الطاليانية منعات هادشي وغادي تولي الحرية أكبر في العروض والتفراج.
مع القرار الجديد ماغاديش يكون ممكن منع عرض فيلم حيت كيدوي على الدين ولا بسبب “الأخلاق”، وحتى المقص ديال الرقابة ماغاديش يبقى يدخل في الأفلام اللي غاتعرض ف القاعات دالسينما.
وفي هاد القرن ديال المنع فإيطاليا، الرقابة تفرضات على بزاف الأفلام منهم ديال الكاتب والشاعر والمخرج بيير باولو باسوليني، أو حتى فيلم “ذي لاست تانكَو إن باريس” للمخرج الإيطالي برناردو بيرتولوتشي مع الممثل الميريكاني مارلون براندو والفرنسية ماريا شنايدر وزيد وزيد.