25/04/2024 21:00
هاد الفلوس مطمورة عند الناس غير من سعد النصابة والشفارة وصحاب شركات التسويق الهرمي لي كيجمعوا الضحايا بالألاف وكل مرة كتبان وحدة وبنادم باقي مابغى يعيق خاص الدولة تحارب التعامل وحيازة الفلوس كاش لأنهم كيدمروا اقتصاد البلاد
نجوى المالحي-كود//
تحول الأنستكَرام المغربي البارح فالعيد الصغير لمنصة ديال عرض الملابس التقليدية والحلاوي المغربية وتبادل التهاني والتبريكات خصوصا أنه هاد العام جا العيد مختلف، والزيارات كانت منعدمة بين العائلات بسباب الحجر الصحي للحد من انتشار فيروس كورونا المستجد.
ومن بين الناس لي حطوا تصاورهم، الفنانة أسماء لمنور لي حريصة أنها تبارك لأسرتها وللمغاربة في كل مناسبة، ونشرات هاد المرة صورة ابنها الوحيد آدم باللباس التقليدي، وعلقت عليها بـ”آدم كيبارك ليكم العيد”.
أسماء لمنور ما كانتش بوحدها، حتى هدى سعد نشرات بعض التفاصيل ديال نهارها، واخا كانت غابرة رمضان كامل، ولكن بقات حريصة أنها تحط صورها وصور ولدها فارس على حسابها.
بدوره شارك الفنان حاتم عمور تصويرة جديدة من يوم العيد مع مراتو هند التازي، لي كتعالج من كونصير جاها هادي عام تقريبا.
وفنانين اخرين بحال حمزة الفيلالي وإيهاب أمير ورجاء وعمر بلمير، حتى شاركو مع متتبعيهم تصاور العيد.
/
