الرئيسية > آراء > من أولويات الدولة فالتوعية هو تحسس المواطن بحقو فالفضاء العام وبأنه مسؤول على نظافته وفأي شكاية منو تستاجب ليه، أما هاد الإهمال المشترك بين الدولة والمواطنين النتيجة ديالو هو سيطرة الشمكارة وقلال الترابي على الفضاء العام ورجعوه زبالة بشرية
16/08/2019 15:00 آراء

من أولويات الدولة فالتوعية هو تحسس المواطن بحقو فالفضاء العام وبأنه مسؤول على نظافته وفأي شكاية منو تستاجب ليه، أما هاد الإهمال المشترك بين الدولة والمواطنين النتيجة ديالو هو سيطرة الشمكارة وقلال الترابي على الفضاء العام ورجعوه زبالة بشرية

من أولويات الدولة فالتوعية هو تحسس المواطن بحقو فالفضاء العام وبأنه مسؤول على نظافته وفأي شكاية منو تستاجب ليه، أما هاد الإهمال المشترك بين الدولة والمواطنين النتيجة ديالو هو سيطرة الشمكارة وقلال الترابي على الفضاء العام ورجعوه زبالة بشرية

محمد سقراط-كود///

فالفايسبوك كولشي متعاطف مع عمال النظافة فالعيد الكبير وكولشي كيوصي على مساعدتهم ولو غير بلواحد يجمع زبلو مقاد ويلوحو فميكات مسدودين مزيان، فالواقع الزبل غير مشتت فالشوارع والزناقي وعمال النظافة ضربو تمارة بحال كل عام، واخا كاع هاد الدعوات الفايسبوكية ولكن ماتسوق ليها حد، هنا كيبان أن المغربي الفايسبوكي غير داوي خاوي ومعندو حتى أثر أو تأثير فالواقع، أيام المقاطعة كان الفايسبوك كيغلي وكولشي مجند ومحمس من أجل إنجاح المقاطعة حيت كانت مقاطعة محركاها مشاعر الحقد على اشخاص معينين كثر ملي محركاها شي اسباب منطقية، وحيت كان من وراها فلوس وتمويل وكونطات تحلو وروجو لأهدافها، وفاللخر تفرعو شركات وطنية فقط وربحو آخرين من المقاطعة، بينما شي حملة فايسبوكية في صالح المغاربة والهدف منها تردهم ناس كيتصرفو بكامل التحضر فهادو مصيرهم الفشل.

فالفايسبوك كولشي كيحارب الظلاميين وكولشي نزل على البرلماني ديال العدالة والتنمية لي نتاقد صحابات الشورط وكولشي دافع على حق البلجيكيات يلبسو شنو مابغاو، ولكن فالواقع راه يالله شي بلايص قلال فالمغرب كامل لي يمكن تشوف فيهم مغربية لابسة شورط ومبردة مع راسها، فالغالب شحال من وحدة كتضرب الجين بزز منها واخا لموت ديال الصهد، ومكتلبس الشورط حتى للبحر ولا تخرج لبرا، وبزاف ديال المغربيات ولاو يمشيو لبرا باش يتساراو أولا وجزء من ديك المسارية هو يلبسو شنو مابغاو بلا مايهدر معاهم شي حد، وهنا كيبانليك أن هاد خطاب الحداثة راه حدو الفايس والواقع مختلف ومتخلف بزاف، والتضامن والمبادرات لي كتنجح يا إما دافعها التعاطف مع العاهات والدراوش، أو الحقد والرغبىة في إلحاق الضرر وتكبيجد الخسائر للي لاباس عليهم.

فواحد المسلسل ديال دافيد سيمون مول ذا واير سميتو شاومي آهيرو، فيه واحد الشخصية ديال مهندس جاب الحل للسيبة لي كتعرفها العمارات ديال الأقليات الفقيرة، وقال بلي السبب هو الفضائات المشتركة، مثلا المصعد هو ديال كولشي ولكن في نفس الوقت ماديال تاواحد وإلى جات شي رباعة ديال الشمكارة سيطرو عليه فماغاديش ينوض يتقاتل معاهم شي واحد على حاجة ديال كولشي، كذلك الزوايا والدروج عليها كتلقاهم مسخين والمراهقين لي مع العصابات معرمين القنات، أما إلى تفصلو الاحياء على أساس أن كل واحد تكون عندو دويرة صغيرة وحداها فسحة ولكن ملكية شخصية ديالو داك الساعة غادي يحميها، هادشي لي واقع عندنا فالمغرب هو أن الناس كتعتابر الزنقة لي فباب دارهم ماشي ديالهم وهانية يلوحو فيه الزبل ويخراو فيها كاع، وأي ضرر كيلحق بيها واخا كيعنيهم بشكل شخصي ولكن مايمكنش يحاربوه بوحدهم حيت المعني هو كولشي وخاص هاد الكولشي يحضر كاملو، وطبعا عمرو مكيحضر، لذا راه من أولويات الدولة وفالتوعية هو تحسس المواطن بحقو في الفضاء العام وبأنه مسؤول على نظافته وصلاحه، وفأي شكاية منو تستاجب ليه، أما هاد الإهمال المشترك بين الدولة والمواطنين النتيجة ديالو هو سيطرة الشمكارة وقلال الترابي على الفضاء العام ورجعوه زبالة بشرية صعيبة يعيش فيها الإنسان السوي.

موضوعات أخرى

28/03/2024 07:00

سمية الخشاب دخلات طول وعرض فبرنامج الكاميرا الخافية ديال رامز جلال: هادي جريمة كيعاقب عليها القانون

28/03/2024 03:00

السروال ديال مقدم برنامج بريطاني داير أزمة فكوريا الجنوبية.. ها شنو دارت القناة ديالهم- فيديو

28/03/2024 02:00

مصور عندو 71 عام اتاهم الوالد ديال تايلور سويفت أنه تعدا عليه بالضرب ملي كان كيصورها

28/03/2024 01:00

هجوم موسكو الارهابي.. 95 شخص ما زال مفقودين وروسيا كتشكك فان داعش هي اللي دارت هاد الهجوم