احمد الطيب كود الرباط ///

البارح فاتح فبراير 2023 كان المنتدى الاقتصادي المغربي الصبليوني بفندق ماريوت بالرباط. اول حاجة تصدمك هو ان كاع لافتات هاد المنتدى مكتوبة بالاسبانية. هادا احتقار كبير من الباطرونا ليهم ماشي للعربية او الدارجة او الامازيغية. هما حاسين بالنقص وعبرو عليه بهاد الطريقة. اللي مكلف بهاد الشي ديال التواصل شي بنت كان جابها بنصالح للباطرونا واسمها مروى مولات الشاكوش لكبير ودابا ولات كتحكم كثر من شكيب لعلج.

هاد الشي عشناه ف”كود” البارح. من الاستقبال للصحافيين حتى طريقة التعامل مع الصحافة المغربية باش مسؤولين مغاربة واسبان عطاو تصريحهم. مولات الشاكوش لكبير كانت كتعامل مع هاد المنتدى بحال ايلى دايرة عرس فخيمتها.

باش شي رجال اعمال صبليون بداو يعطيو تصريح٬ جابت هاد السيدة ڤيدروات وحطاتهم قدام باب. دخلات الاولى والاذاعة الوطنية ودوزيم ولاماب وموقع وحيد وواحد ومنعات “ميدي 1 تيفي” =الصورة= قال ليك غير الاعلام العمومي. دابا هاد الغبية كتأكد اللي كيقولو الاعلام الدولي باللي هاداك الموقع راه ناطق باسم المخزن.

مقابل هاد الشي باش كيتعلق الامر بالصحافة الصبليونية كانت تسمح لكلشي مولات الشاكوش لكبير. باش كانت هاد الڤيدورا كثر منها مكلفة بالتواصل فالباطرونا كتمنع٬ كان حداها مكلفة بالتواصل جامعة گاع الصحافة الصبليونية العمومية والخاصة اللي قريبة للحكومة واللي كتكره الحكومة٬ كلشي٬ وكتبيرفيهم. كتعطيهم لخبارات. كتشرح ليهم.

قبل ما يجي رئيسا حكومة بلادنا والصبليون٬ كان وزير التجارة والصناعة رياض مزور ووزيرة المالية والاقتصاد نادية فتاح ووزيرة اسبانيا مكلفة بالتجارة والصناعة فبلاصة الفوق. تاني وقفات صاحبنا الفيدورات وهي حتى هي ولات فيدورا. حبسات الصحافة دير خدمتها. حقاش كانت لقاءات ثنائية والصحافة من غير التصاور محتاجة تصريح.

هاد الڤيدورا اللي سميتها مروى كان عليها تعلم من الصبليون المكلفين بالتواصل. شوفو كيفاش عطى الڤاريس وزير خارجيتهم وسط كاع الصحافة عطى تصريح وجاوب علاش سانشيث ما استقبلوش سيدنا وهدر فكلشي ومع كلشي.

باش وصل رئيسا حكومتي المغرب والصبليون للقاعة لاختتام هاد المنتدى٬ وصلات الوقاحة بمولات الشاكوش حتى منعات فرق رئيس الحكومة ووزراء خراين وصحافيين مغاربة باش يصورو “كانت كتدعم لمغاربة وكتخلي الصبليون” يحكي مصور مغربي ل”كود”.

دابا هاد الوقاحة منين جايباها. واش الباطرونا كتمنع حتى فرق الوزرا بعد الصحافة؟ واش هادي هي اللي كتحكم فديك الباطرونا؟

كون غير دير خدمتها مقادة. البارح فلاصال ديال الملتقى وباش كانو وزرا ورجال اعمال كيهدرو مشى الصوت 3 مرات. غير السونوريزاسيون ما قدراتش عليها مولات الشاكوش. ما دارتش خدمتها. الباطرونا اللي كراو الماتيريال وكلشي. لوطيل كان عاطيهم غير لاصال وصافي. حتى فهادي فشلات