كود الرباط//

قالت نبيلة منيب، الأمينة العام للحزب الاشتراكي الموحد، في تصريح لـ”كود”: “كنتأسفو على منع كتاب ديال عبد الله حمودي فمعرض الكتاب”.

وأضافت منيب لـ”كود”:”فاش كنشوفو منع كتاب مفكر بحال عبد الله حمودي، إذن حنا مزالين كنعيشو ردة فمجال الحقوق والحريات وعلى رأسها حرية الإبداع والفكر”.

وتابعت منيب: “المنع بهاد الطريقة الفجة يؤكد بلي المسؤولين على الشأن الثقافي فالبلاد دون المستوى”.

وأشارت منيب بلي غادي توجه سؤال فالبرلمان للوزير المهدي بنسعيد، مؤكدة بأن حمودي أستاذ محترم وخاص المغاربة يزيدو يعرفوه.