كود – وكالات//

طلب تيدروس أدهانوم كَيبريسوس، مدير منظمة الصحة العالمية، الدول باش ماتعطيش التلقيح ضد فيروس كورونا المستجد للاطفال والشباب الصغار، وتتبرع باللقاحات لمنصة كوفاكس، باش تعاود تتوزع على الدول اللي فحاجة ليها.

وزاد تيدروس أدهانوم كَيبريسوس، فمؤتمر صحافي أنه وفق المسار اللي متبعين، فالعام الثاني من انتشار الوباء غيكون “أكثر فتكا بكثير”.

وقال بأنه فاهم سبب رغبة بعض الدول فتلقيح أطفالها، ولكن كيطلب منهم التفكير فالتخلي على هذشي، وإعطاء اللقاحات لكوفاكس”، باش يتوزع بشكل عادل على الدول المحتاجة.

وهذشي أشهر، تندد منظمة الصحة بما تعتبره “قومية اللقاحات” اللي كتحرم دول كثيرة من حماية مواطنيها، لأنها ماتوصلاتش باللقاح.