الرئيسية > كود سبور > منظمات حقوقية كتطالب الـ”فيفا” بتعويض الخدامة اللي تكرفسو فمشاريع المونديال فقطر
20/05/2022 07:00 كود سبور

منظمات حقوقية كتطالب الـ”فيفا” بتعويض الخدامة اللي تكرفسو فمشاريع المونديال فقطر

منظمات حقوقية كتطالب الـ”فيفا” بتعويض الخدامة اللي تكرفسو فمشاريع المونديال فقطر

كود سبور – وكالات //

طالبات منظمات حقوقية الاتحاد الدولي لكرة القدم “فيفا”، بتعويض آلاف الخدامة اللي تعرضو ل”انتهاكات خايبة” فقطر ففترة الخدمة ديالهم فمختلف مشاريع البنية التحتية والخدمات الخاصة ببطولة كاس العالم اللي غيتنظم هاد العام.

وقالت نفس المنظمات فرسالة وجهاتها لرئيس ال”فيفا”، جياني إنفانتينو، بللي خاصهم يضغطو على الدولة المضيفة للمونديال (قطر) من أجل حماية حقوق العمال المهاجرين فالمستقبل. وطالبو ال”فيفا” تدير صندوق تعويضات ب”440 مليون دولار” وهي نفس قيمة الجوائز المالية اللي كيفرقها الاتحاد الدولي فهاد الحدث الرياضي.

وقالت مي رومانوس، من منظمة العفو الدولية، بللي الخدامة تعرضو لعدد من الانتهاكات الخطيرة، وزادت ” كاين مثلا قضية سرقة الصاليرات، وهادي وحدة من المشاكل الكبيرة اللي كيعانيو منها الخدامة انا بزاف، مبادرة ما يشدوش فلوسهم فالوقت، كيف كيقدر مايشدوش ريال. وكاينة أيضا إصابات ووفيات لصفوف الخدامة المهاجرين بسباب حوادث شغل فأماكن العمل واللي ماتسوقاتش ليهم السلطات القطرية وما دارو لا أونكيط على ظروف موتهم لاوالو، وعائلاتهم ماوصلها حتى تعويض”.

ونفات الحكومة القطرية الاتهامات اللي ذكرها تقرير سابق لمنظمة العفو الدولية، واللي قال بأنه كاينين آلاف الخدامة المهاجرين كيتعرضو للاستغلال فالبلد المنظم للمونديال.

وقال التقرير اللي خرجاتو منظمة العفو والمكون من 48 صفحة بللي ممارسات بحال توقيف صاليرات الخدامة وتأخيرها عليهم، وحتى فرض ضرائب عليهم باش يبدلو ليبوسط ديالهم، مزال منتاشرة فداك البلد الخليجي.

موضوعات أخرى

29/03/2024 00:00

نقابة الصحافة زادت دروس أخرى على دروس “الهاكا” فقضية فبركة جريمة شفرة على المباشر.. كنبهو للانزلاقات الكثيرة لي كتوقع فعمل بعض الإذاعات الخاصة ويجب إعادة النظر فالقانون المنظم للقطاع السمعي البصري

28/03/2024 23:30

جثة مجهولة كلاوها الكلاب فالطريق بين العيون وفم الواد دارت استنفار فالجوندارم

28/03/2024 23:00

الفيفا طالبو الصبليون يوضحو لهم تهم الفساد المالي الموجهة للرئيس السابق روبياليس وللمعتقلين فالقضية

28/03/2024 22:35

اشناهي المواد الغذائية الفاسدة اللي تشدات ف15 يوم درمضان؟ 402 طن فيها 106 من التوابل و60 طن من العصير و35 طن من لحليب و34 طن من السكر واتاي