زلزال قوي ضرب تركيا.. 2 ديال الصمعات طاحو ووزير الداخلية صيفط خبراء للمدينة
كود هناء ابو علي كازا ///
دابا فلحظات بحال هادي كيخرج الفكر المتطرف. القيم المتخلفة كتطفو على السطح. وقعات الجريمة الارهابية فنيوزلندا ضد مسلمين كيصليو البارح الجمعة ناضو صحاب هاد الفكر كيسبو فمثقفين مغاربة. كيحرضو عليهم الناس.
ها مول الفوقية كيسب رأي سيدة محترمة ورجعها عجوز شمطاء باش قالت باللي الارهاب كيخرج من المساجد وانو يجب فك المجالس العلمية
وشي حد اسمو ابو البراء ياسين المتوني دار صورة السفيرة خديجة الرويسي والممثل محم دالشوبي والكاتب احمد عصيد وعدد من الفنانين والمثقين وسبهم وقال عليهم « عملاء المتاسونية »
واحد اسمو جلال اعويطا هاجم عصيد حقاش ما قال والو على مجزرة نيوزلندا. غير جا وهدر ما فراسهم والو ما فخبارهعم والو
هاد المنشورات كتنشر الظلامية. الكراهية. مالينها مغاربة والمستهدفين مغاربة. هاد الشي غادية تكون عندو تبعات. ايلى شي حمق من اللي كيصدق هادو ودار شي جريمة ضد هاد الشخصيات راه هادو اللي مسؤولين.