كود سبور//

من الصعب يظل الدولي المغربي سفيان المرابط مع فريق فيورنتينا الإيطالي بعد نهاية هذا الموسم، حيث النجم المغربي عندو عروض من أندية أوروبية اللي كتنافس على الخدمات ديالو.

وحسب موقع “Football italia” فسفيان أمربط غيمشي فالميكاتو الصيفي المقبل للدوري الإسباني أو الدوري الانجليزي، الموقع الإيطالي كشف أن البارصا ما مفاكينش واخا فشلت صفقة التوقيع من أمرابط فالميكاتو الشتوي الماضي بسبب تعنت فيورنتينا وباغيين يسنيو مع النجم المغربي وموجدين له عرض فالصيف الجاي.

نفس المصدر، قال أيضا أن فرق الدوري الانجليزي الممتاز وهي أندية كبيرة، راه باغين يحصلوا على خدمات محارب وسط التيران المغربي، ومن بينها فريق توتنهام اللي حتى هو كيوجد عرض باش يتقدم به إلى فيورنتينا.