الرئيسية > آراء > مناضل يتشد على المساطة يخرجوا المناضلين يعتابروه شهيد الترمة الصداحة.. محامي يتشد على الفساد يعتابروه شهيد زواج المتعة.. معلم عذب تلميذة عتابروه شهيد التلقين بالتيو
28/01/2020 16:00 آراء

مناضل يتشد على المساطة يخرجوا المناضلين يعتابروه شهيد الترمة الصداحة.. محامي يتشد على الفساد يعتابروه شهيد زواج المتعة.. معلم عذب تلميذة عتابروه شهيد التلقين بالتيو

مناضل يتشد على المساطة يخرجوا المناضلين يعتابروه شهيد الترمة الصداحة.. محامي يتشد على الفساد يعتابروه شهيد زواج المتعة.. معلم عذب تلميذة عتابروه شهيد التلقين بالتيو

محمد سقراط-كود///

المغرب واخا فيه مدن كبار وأوراش كبرى وبنية تحتية مزيانة فالواجهة بالمقارنة بدول أخرى من نفس مستوانا، إلا أنه باقي خدام بالمنطق القبلي، حزب الى شدو ريفي تلقاه كلو روافة شدو عروبي تلقاه كلو عروبية وهاكة غادا مع كاع الكنوس لي كاينين في المغرب، وهاد القبلية هي منطق التعامل عند المغربي وللأسف نقلو معاهم هاد الفكر حتى للمهن النخبوبة ولكاع مناحي الحياة، محامي يتشد بشي فضيحة تلقى قبيلة المحاميين خارجة تدافع عليه بمنطق أنصر أخاك ظالما او مظلوما، وهاكة مع الأطبة والأساتذة والمعلمين وصحاب الطاكسيات والمناضلين والمتحزبين، أما الخوانجية هادوك راه قبيلتهم كبيرة شادة من أنقرة حتى لهنا مرورا بقطر، فين ماحصل شي حد بشي كارثة يخرجو يدافعو عليه واخا يكون مطيح روح.

بزاف ديال المناضلين لي تشدو بجرائم كانوا دايرينها بصح وتعاقبوا على ودها ولكن مع ذلك كتلقى صحابهم كيعتابرو الأمر مؤامرة من طرف المخزن لإسكات خرزة صداحة، وكذلك الأمر مع كاع القبايل ولبارح كان النهار ديال قبيلة المعلمين لي عتابرو الحكم على معلم تارودانت اهانة لمهنة التعليم وهجوم عليهاةأستاذة كتغوت وتبكي وكتقوليك كتعتابر التلاميذ ولادها ودابا ولاو أعدائها يقدرو يسيفطوها للحبس فابور، ومنشورات كثيرة للتشكيك في المحاكمة وفي الشهود وفالتيو وحجمه وفي القضاء، والقضية باينة طفلة عينيها زرقين بالعصى، وهذا ماشي أول معلم قرى بالعصى، راه أغلبنا لي دوز التعليم العمومي خصوصا من التسعينات ورجع اللور أيام الغفلة راه كلينا العصا وشي مرات راه كان تعذيب ممنهج، الضرب بالمسطرة على رؤوس الأصابع في فالليالي راه تعذيب وخاص لي مارسو يدوز الحبس، ولكن للاسف مكانش فايسبوك مكانو كاميرات كانت الغفلة وأجيال وراء أجيال كلات لعصى وكمداتها وصافي.

تصاور طفلة تارودانت شافوها كاع المغاربة طفلة صغيرة مقودة عليها ساكنة فقرطخنة واكلة العصى ديال المعقول حتى زراقو ليها عينيها، ومع ذلك كاين معلمين بكل وقاحة وقصوحية القلب كاتبين أن المعلم كيضرب لمصلحة التلميذ، راه واليديها الى دارو ليها ديك الحالة خاصهم الحبس، وأي واحد يعتدي على طفل بالعنف خاصو الحبس يكون والدو ولا كيقريه أو أي حاجة، وطبعا من غير الأساتذة والمعلمين لي قراونا وكانو يستحقو هاد الصفة وباقي الإحترام ليهم ليومنا هذا، بزاف خريين كانوا عبارة على مرضى نفسيين وحماق كيجيو يخويو أمراضهم على التلامذ يوميا، هاد الأستاذ راه غير حصل والصدفة وصافي جا واحد من المدينة وصور البنت وحطها في فايسبوك أما راه بحالو كثار، وزملائهم لي كيدافعو عليهم راه أكثر جرما منهم.

موضوعات أخرى

29/03/2024 10:00

دقة تابعا دقة فـ”قضية تمويل فرحان” مول الشروق. بوصوف كان غادي يدير درس حسني قدام سيدنا ويقدم كتابو ليه وحيدوه

29/03/2024 09:50

ماتش الكوكب والحسنية.. تابعوه 20 ألف واحد وولاية أمن لمدينة لحمرا سخرات 1270 بوليسي وها شحال تشدو

29/03/2024 09:42

السينمائيون يهاجمون بنسعيد: كاين تراجع فالمكتسبات للي تحققات فحكومات سابقة وخاص حوار جاد ومسؤول باش نتجاوزو الأزمة

29/03/2024 09:15

الوداد طواو صفحة الناصيري وطلعو البرناكي كرئيس 20 فتاريخ النادي ودارو مليون للي بغا ينخرط

29/03/2024 09:00

علاش الاتحاد الأوروبي كيلعب لعب خايب مع المغرب وكيشكك فالسلع الفلاحية ديالو؟