نظام العسكر وجنوب أفريقيا عقدو مشاوراتهم السياسية وركزوا على نزاع الصحرا اللي ما طفروهش فيه
وكالات//
حددات وزارة الخارجية البريطانية وشؤون الكومنولث، قواعد البروتوكولات الخاصة بمشاركة رؤساء الدول الأجنبية، في جنازة الملكة الراحلة إليزابيث الثانية، لي غادي تكون نهار 19 شتنبر.
جورنال The Independent البريطاني قال أن قواعد البروتوكولات فرضات على رؤساء الدول الأجنبية لي غاديين للمملكة المتحدة يمشيو في طيارات تجارية، لأنه ما كايناش ترتيبات للطيارات الخاصة في مطار هيثرو بلندن.
ومنعات الوزارة استخدام المروحيات باش تنقل الرؤساء من مطارات لأماكن أخرى، بسباب الزحام لي متوقع يكون في المجال الجوي للمنطقة.
أيضاً ما غاديش يكون مسموح للرؤساء باش يستخدمو سياراتهم الرسمية باش يحضرو الجنازة، ولكنهم غادي يتنقلو في حافلات إلى دير وستمنستر من غرب لندن.
وثائق رسمية حصلات عليها المجلة، وتوزعات على السفارات أكدات أن الدعوة لجنازة الملكة إليزابيث اقتصرات على رئيس كل دولة ومراتو فقط، ولي ما غاديش يقدر يحضر يسيفط ممثل بحال رئيس الحكومة أو وزير مهم.