وكالات-كود//

ممثل كيعوض الممثلين الكبار سميتو كيريل بيلوروف قتل صاحبتو لوريلين گارسيا بيرتا لي مخرجة بطريقة بشعة، خنقها وقجها ثم عراها ودفنها عريانة فالجردة ديال دارها في لندن بدم بارد.

المجرم وبعدما قتل صحبتو ناض هز تلفونها وبدا كيتفرج في البورنو لمدة 11 الدقيقة بحالا ماواقع والو. وقالت صحيفة “ميرور” البريطانية أن الممثل عندو 32 عام والمخرجة 34 عام.

ومن بعد ما سالا الفراجة فالبورنو ناض كيجاوب فصحاباتها على الميساجات وقال لوحدة منهم “أنا خارجة دابا كنضور وتلاقيت مع واحد الراجل وغادي نمشيو نشربو قهوة”، وبقا كيتحدت مع الناس عادي.

والجريمة تعرفات بعدما اختفت السيدة على الأنظار وملي قلبو الدار لقاوها في الجردة مدفونة وشدو صاحبها المشتبه فيه الاول في القضية.