اسماء غربي-كود//

المرض ديال البوز ولا خايب لدرجة خطيرة. ممثل أمريكي من أصول إفريقية ناض خلص شي وحديد باش يفرشخوه، ودار قصة من وحي الخيال ديالو باش تدوي عليه الصحافة ويولي مشهور.

الممثل لي سميتو “جووسي سموليت” مشا عند البوليس وقال أنه تعرض لحادث عنصري ومعادي للمثلية الجنسية، ووصلات بيه الوقاحة سيفط رسالة لراسو لستوديوهات فوكس.

سموليت تفرش حيت الخطة مكانتش مغيزة مزيان، وصدق متابع في قضية ديال تقديم بلاغ كاذب ويقدرو يدخلوه للحبس.