كود كازا//

بعد ما كملات المرافعات تقريبا في ملف متابع فيه برلماني سابق وخوه ورجل أعمال تركي وجوج عيالات ، غادي تكتمل غدا الجلسة بالاستماع إلى المتهمين، آخر المتكلمين في هذ القضية قبل ماينطق القاضي بالأحكام.

هاد العصابة تتنشط في التزوير في كلشي، عقارات، فواتير، لدرجة أنها كبدات مجموعة ديال الضحايا خسائر فادحة.

وبالنسبة للعقارات الي تورطو فيها كاينة كلها تقريبا في عين الشق، وكاليفورنيا، أما بالنسبة للتزوير في المحررات التجارية فالعصابة عمدات لتأسيس شركات وهمية وتزييف مستندات الاستيراد والتلاعب في التحويلات المالية المتعلقة بالاستيراد والتصدير.

وسبق للغرفة الجنائية الابتدائية بالدار البيضاء حكمات على المتهمين بأحكام وصلات لـ 81 سنة في المجموع، توزعات على المتهمين الثمانية، خذا منها البرلماني السابق تاع الأصالة والمعاصرة عشرة السنين.

وتميزات الجلسات السابقة بظهور معطيات جديدة قالها المواطن التركي، حيث اعتارف بلي ماكان فاهم والو، وأنه ضحية للبرلماني وخوه لي ستعملو اسميتو في تأسيس شركات وعمليات وهمية.

وتوبعت الشبكة بتهمة تحويل أموال إلى الخارج بشكل غير قانوني، بذريعة الأداء المسبق لعمليات استيراد تفوق قيمة كل منها السقف المحدد في قانون الصرف، بعد أن فضح تنسيق جمركي مغربي ألماني، مناوراتها للتملص من أداء الرسوم والمكوس الجمركية الواجبة على البضائع المستوردة.