الرئيسية > تبركيك > ملايري مغربي معروف بزاف وفايت 60 عام دار عراسية فمراكش. تزوج بطبيبة وطلعات بوحدها للعمارية وحضرو ليه كثر من 500 مدعو
05/10/2022 14:00 تبركيك

ملايري مغربي معروف بزاف وفايت 60 عام دار عراسية فمراكش. تزوج بطبيبة وطلعات بوحدها للعمارية وحضرو ليه كثر من 500 مدعو

ملايري مغربي معروف بزاف وفايت 60 عام دار عراسية فمراكش. تزوج بطبيبة وطلعات بوحدها للعمارية وحضرو ليه كثر من 500 مدعو

هند لكلاوي كود مراكش ///

ليلة الجمعة 16 شتنبر اللي فات بقصر ناماسكار المعروف بمراكش دار سعيد لعلج احد لملايرية لكبار فالبلاد عراسية كبيرة لراسو ماشي لولادو او حفادو. لعلج اللي قرب ل70 عام =عندو دابا كثر من 66 عام= ضربها بتزويجة من طبيبة جينيكو ثلاثينية. ملايري كلشي عندو ساهل.

العرس دار فهاد لقصر وحضر ليه كثر من 500 مدعو فيهم ملايرية كبار فالبلاد ومسؤولين كبار فالدولة ورجال اعمال معروفين من صحابو للي مشارك معاهم. والغد السبت 17 شتنبر دار برانش عرض فيه غير على عشرانو لقراب. كان فيه شي مائة واحد.

عراسية الجمعة جاب ليها تريتور سميتو عواد وطبعا باش يبين راسو مخزني وقريب من لقصر جاب الشيخة حليمة. شيخة معترف بيها غير فالرباط ماشي فبلاد الشيخات ولعيوط. وجابو كذلك الصويري وسعيدة شرف باش تغني ليهم لعيون عيني. كانو حتى عيساوة.

لعلج اللي كان مغضوب عليه بعد ما تسقرم فالمشاركة بشوية من لملاير اللي عندو فصندوق كوفيد٬ بغى يبين كرمو فهاد العراسية. الساعة شي فنانة حضرو قالو ل”كود” باللي داك الشي كان بسيط مقارنة بالملاير اللي عندو.

سعيد لعلج ما طلعش للعمارية خلى غير الطبيبة مراتو تطلع. السيد عرف ما ياخد. طبيبة داويه وتعتاني بيه فهاد السن. فهاد العرس وتجنب لخروج التصاور٬ قال نفس المصدر ل”كود” باللي منعوهم يدخلو التلفون او يصورو.

موضوعات أخرى

29/03/2024 06:00

العراقي لي حرق القرآن فالسويد علق لبلاد خرا.. غادي يطلب فيها اللجوء بعدما قررات ستوكهولم تجري عليه