الرئيسية > آش واقع > مقاول ما كيعرفو حد قاليك بغى يبني للجيش 3 الاف شقة اقتصادية. مقاول معروف لـ”كود”: العبث هادا ما كانش لا اعلان على الصفقة ما كنعرفوش هاد السيد والجيش عندو شركتو وخاصو يرد على بحال هاد الشي
09/09/2019 21:30 آش واقع

مقاول ما كيعرفو حد قاليك بغى يبني للجيش 3 الاف شقة اقتصادية. مقاول معروف لـ”كود”: العبث هادا ما كانش لا اعلان على الصفقة ما كنعرفوش هاد السيد والجيش عندو شركتو وخاصو يرد على بحال هاد الشي

مقاول ما كيعرفو حد قاليك بغى يبني للجيش 3 الاف شقة اقتصادية. مقاول معروف لـ”كود”: العبث هادا ما كانش لا اعلان على الصفقة ما كنعرفوش هاد السيد والجيش عندو شركتو وخاصو يرد على بحال هاد الشي

كود علي الصافي العيون ///

مجيدري محمد سالم مول هاد القهوة والعمارة اللي فيها مقرات مؤسسات تابعة للدولة واللي ناس كلميم قالو باللي كيدخل منها اكثر من 50 مليون سنتيم ولى متخصص فالسكن الاقتصادي٬ قاليك باغي يبني 3 الاف شقة اقتصادية ولمن للجيش.

“كود” سولات اكبر شركات العقار المتخصصة فالسكن الاقتصادي او فالعقار بصفة عامة٬ ماشي غير ما كيعرفوش شي حد اسمو مجيدري بل حتى هاد المشروع اللي قال باللي فيه 3 الاف شقة فكلميم للعسكر “ما يمكنش يكون بلا ما نعرفوه. الجيش راها مؤسسة منظمة وهاد الصفقات كتكون فيها اعلان باش كاع الشركات كيعرف وياخدو المزيان فالمارشي”. مالك مجموعة عقارية اخر قال ل”كود” باللي هاد الشي ديال 3 الاف شقة اقتصادية يقدر يبنيوهم الجيش حقاش القوات المسلحة الملكية عندها شركة للعقار. بنات شقق بحال كازا. علاش غادية تمشي عند مقاول نكرة”.

غير هو فبلادنا كلشي ممكن. الجيش دابا اللي خاصو يخرج ببيان يشرح علاقتو بهاد السيد. باينة عندو ركيزة صحيحة لدرجة انو ترامى على الملك العام ورفض انذار المجلس البلدي لكلميم.

الانذار اللي جا لمول اقامة الهودج باش يخبرو باللي محتل الملك العمومي فقهوة اسمها الهودج. هاد الانذار واخا قالو ليه غاديين نهدمو ليك وبالقانون رفض يهدم. الرسالة جاتو نهار 3 شتنبر ومازال ما حيد والو.

موضوعات أخرى

28/03/2024 16:30

خبير صبليوني لجورنال “أ. ب. ث”: المغرب دولة ذات سيادة وقادرة تدير مناورات بحرية فين ما بغات من مياهها الإقليمية والوقت اللي يناسبها بلا إذن شي طرف خارجي

28/03/2024 16:20

رقم معاملات “لوسيبي” وصل لـ91,27 مليار درهم فعام 2023 وخا كان انخفاض كبير فأسعار المنتجات الفوسفاطية

28/03/2024 15:30

بوليس سيدي قاسم شدو 4 فيهم واحد قاصر بانو ف فيديو هازين السيوفا وكيسبو فمؤسسات وموظفين عموميين وكيحرضو على تنفيذ اعتداءات

28/03/2024 15:20

الريح قوية مع الغبارية .. وزارة التجهيز: الشيافر فهاد المدن يردو بالهوم مزيان فالطريق

28/03/2024 14:28

واش الحكومة غاتحل الحمامات مور الشتا لي طاحت.. بايتاس لـ”گود”: على حسب كل إقليم والوضعية ديال الماء فبلادنا صعيبة ونسبة الماء لي دخلات للسدود ضعيفة

28/03/2024 14:22

تعيينات جديدة فمناصب عليا دازت اليوم فمجلس الحكومة: منهم مدير المحروقات ومدير الموارد البشرية فوزارة الخارجية