الرئيسية > كود سبور > مقاتلة مغربية اسبانية على لعاب البارصا أخوماش.. وماركا : اللاعب اختار شحال هاذي يلعب لاسبانيا
27/11/2021 15:00 كود سبور

مقاتلة مغربية اسبانية على لعاب البارصا أخوماش.. وماركا : اللاعب اختار شحال هاذي يلعب لاسبانيا

مقاتلة مغربية اسبانية على لعاب البارصا أخوماش.. وماركا : اللاعب اختار شحال هاذي يلعب لاسبانيا

كريم الصوفي – كود//
[email protected]

استقطاب اللاعب الصاعد ديال “البارصا” للعب للمنتخب المغربي اومنتخب “الماتادور لاروخا” داير ضجة ف كبريات الصحف الرياضية الاسبانية. ماركا نشرات مقال على “إلياس أخوماش” مع تصريحات للمنقب المغربي اللي خدام لفائدة الجامعة الملكية لكرة القدم والمدرب الاسباني “سيرجيو بيرناس” اللي كان كيشغل منصب مدرب وطني لمنتخب أٌقل من 17 عام، وتمت اقالته شهر مارس الفايت.

جريدة ماركا قالت أن إلياس دابا هو أحد الرهانات الأولى لتشافي بمجرد وصوله إلى برشلونة واللاعب رفض اللعب للمغرب هاذ مدة وديما كيصرح انه غادي يلعب للمنتخب الاسباني. ونقلات عن المدرب “سيرجيو بيرناس” انه خلال الخدمة ديالو مع الاتحاد المغربي كان كيدير لايفات مع أخوماش والمنقب المغربي ربيع تاكسا باش يقنعوه يلعب للمغرب لكن اللاعب كان رافض الفكرة بشكل كبير.

وأضافت ماركا أن المنقب المغربي “ربيع تاكسا” اللي قدر يستكشف اللاعب أخوماش ف اطار سياسة الاتحاد المغربي لاستقطاب مواهب كروية كبيرة ذات أصول مغربية ف بلدان أووربية لتكوين منتخب كروي قوي ف وقت قصير، (ربيع تاكسا) ومقدرش يغير ليه الموقف ديالو.

ونقلت صحيفة “ماركا” عن “سيرجيو بيرناس”، أن اللاعب الياس اخوماش كان ديما كيقول عبر مكالمات الفيديو : “شكرا أريد اللعب لإسبانيا”.. دابا اذا قدرات الجامعة الملكية لكرة القدم تقنع اخوماش باش يلعب للمنتخب المغربي غادي تكون ضربة قوية للاتحاد الاسباني اللي حتا هو معول بزاف على الاختيار الشخصي ديال اللاعب..

وخاض إلياس عدة مباريات مع منتخبات إسبانيا للناشئين، بمشاركته ف 4 مباريات مع منتخب تحت 16 عاما، ضد منتخبات اليابان، روسيا، المكسيك وإنكلترا في العام 2019، وبعد توقف المباريات بسبب الحجر الصحي الاجباري، لعب تقريبا 6 ديال الماتشات مع منتخب الشباب تحت 18 عاما.

https://www.marca.com/futbol/seleccion/2021/11/26/61a0e10546163faca28b45d8.html

موضوعات أخرى

28/03/2024 12:30

من هنا لسيمانة.. اللي عندو شي طوموبيل أو موطور ففوريانات كازا ومجاش سحبهم غيتباعو

28/03/2024 12:20

جنايات فاس فرقات 33 عام ديال الحبس على ريزو د التهجير السري وها التهم اللي تابعوا بها

28/03/2024 12:19

ليلة “العشاء الأخير” فحزب الاستقلال: هادي 3 قضايا كبرى غادية تشعل حروب ف “الميزان” قبل وبعد المؤتمر

28/03/2024 12:10

جوندارم الدروة طيحو  بزناز عندو الحشيش والبوفا والغبرة والقرقوبي نواحي برشيد

28/03/2024 11:30

فهم تسطى مع نظام العسكر.. الجزائر عينات جوج قناصل فالمغرب واخا دايرين القطيعة معانا

28/03/2024 11:00

إدانة المحاميين د الرابور “ديدي” مداهمة الفيديراليون : زادو فيه وهذا” فخ”