اسماء غربي – كود//

هاد الايام  بزاف من  البارمج الكوميدية و مستعملي الفايسبوك كايتشاركو فيديوهات ديال مفتي السعودية الشيخ عبد العزيز ال الشيخ، اللي هو من حفدة محمد بن عبد الوهاب اللي دار الوهابية ف السعودية,الشيخ ف هاد الفيديوهات اللي اصلها برنامج ف القناة السعودية ام بي سي كتبين الشيخ مسكين ماقادرش يهضر و الحروف كتسرط و مكتفهمش

وخا ضحكو عليه بزاف ولكن كتبينو صافي مايقدرش يتحكم ف عضلات الفم وممكن بدايات مرض ما  و كان على السلطات السعودية و مسؤولي الاعلام مايخلوهيش يبان ف الاعلام و يخليوه يرتاح بدل مايبان ب هاد المنظر البئيس، ولكن المثير هو المذيع اللي داير راسو فاهم اش كايقول.