الرئيسية > تبركيك > مغربي من ذوي الاحتياجات الخاصة تحدى كولشي باش يحضر للمونديال فقطر
04/12/2022 10:00 تبركيك

مغربي من ذوي الاحتياجات الخاصة تحدى كولشي باش يحضر للمونديال فقطر

مغربي من ذوي الاحتياجات الخاصة تحدى كولشي باش يحضر للمونديال فقطر

كود سبور//

تحدى ياسين شهبوب وهو مغربي من ذوي الاحتياجات الخاصة، الإعاقة اللي عندو وجا من بودابست عاصمة هانكاريا حتى لقطر باش يتفرج فليماتش ديال كأس العالم 2022، واللي شحال وهو كيحلم باش يعيشو وأخيرا تحقق له هاد الحلم وتفرج المباريات بشكل مباشر فالتيرانات ديال المونديال .

وقال المشجع المغربي ياسين شهبوب اللي عندو 30 عاماً، على الموقع الرسمي ديال الإتحاد الدولي لكرة القدم “الفيفا”: “راه حضور كأس العالم كان ديما حلم كنتمنى نحققو طول حياتي، وحيث كنعاني من احتياجات حسية كتخلي من الصعب عليا الحضور وسط المشجعين فمدرجات التيران، حيث كنتبرزط  بكثرة الناس والأصوات المجهدة والأضواء الكثير اللي كتكون فبحال هاد الاجواء، ولكن مع توفر الغرف الحسية في مونديال قطر، قدرت نحقق الحلم ديال ونتمتع بالفراجة فالماتشات”.

وكمل شهبوب، اللي جا لقطر مع صاحب بدر بدركيش باش يحضورو منافسات المونديال: “ما توقعتش شي يوم بلي غادي نكون قادر على تشجيع المنتخب المفضل عند من المدرجات، وخاصوصا فكأس العالم، وملي سمعت أن قطر كتقدم مساحات هادئة معزولة على الصداع وكتخليني نبعد عليه حيث ما كنتحملوش، قررت ناخد تيكي لحضور مباريات مونديال قطر 2022”.

وكانت اللجنة العليا لمشاريع والإرث فقطر دارت منتدى التمكين في العام 2016 واللي يشكل منصة كتجمع بين الأشخاص ذوي الإعاقة والمؤسسات الخاصة والمنظمات غير الحكومية وممثلين عن الجهات الحكومية لمناقشة أفضل السبل لتنظيم بطولة كأس عالم شاملة، وكذلك تقديم الملاحظات حول مشاريع البنية التحتية والعمل على تلبية معايير الفيفا الخاصة بسهولة الوصول والحركة والتصميم الشمولي للمرافق والمنشآت، ودعم رؤية قطر الوطنية فتعزيز وحماية الأشخاص من ذوي الإعاقة.

وإلى جانب غرف المساعدة الحسية فالتيرانات، واحدة اخرى متنقلة فالوجهات الترفيهية للجماهير كيشهد مونديال قطر عددا من الخدمات غير المسبوقة للمشجعين من ذوي الإعاقة، بما في ذلك التعليق الوصفي السمعي باللغة العربية فكاع الماتشات.

وكتعتبر بطولة كأس العالم قطر 2022، هي النسخة الأكثر إتاحة في تاريخ البطولة، حيث تم تجهيز التيرانات المونديالية كاملة بمرافق وخدمات خاصة كتلبي كافة حاجيات ذوي الاحتياجات الخاصة.

موضوعات أخرى

28/03/2024 19:00

الإعلام الجزائري خرج خبار فايك على نشر المغرب تصويرة للتراث الجزائي.. ومصدر لـ”كود”: كيف عارف كولشي السلهام مغربي

28/03/2024 18:30

الحشيش اللي شدو البارح وتقتل فيه بزناس طلع عندو علاقة بالحشيش لي لقاوه فسيدي رحال و”گود” جابت تفاصيل العملية

28/03/2024 18:00

تهديدات داعشية بالقتل لناشطات فالحريات الفردية. نادر ل”كود”: وجود لائحة كيبين باللي كاين رصد وتتبع وهاد الشي ما كيخلعنيش

28/03/2024 17:30

فيومين.. شكايات جداد بـ”الفساد المالي” طاحوا عند الوكيل العام ففاس.. ومصدر لـ”كود”: وحدا فيها مشات للبحث والباقي قيد الدراسة

28/03/2024 17:00

واش هيرفي رونار كيضغط على الركراكي باش ياخد بلاصتو؟ الفرنسي جاهم من اللخر: باغي نلعب مونديال 2026

28/03/2024 16:30

خبير صبليوني لجورنال “أ. ب. ث”: المغرب دولة ذات سيادة وقادرة تدير مناورات بحرية فين ما بغات من مياهها الإقليمية والوقت اللي يناسبها بلا إذن شي طرف خارجي

28/03/2024 16:20

رقم معاملات “لوسيبي” وصل لـ91,27 مليار درهم فعام 2023 وخا كان انخفاض كبير فأسعار المنتجات الفوسفاطية