كود كازا//

المغرب كوموندا طيارات مائية جديدة من نوع Canadair CL 415، بناء على تعليمات من الملك محمد السادس.

وحسب صفحة FAR-Morocco على فيسبوك، فغياخد المغرب 3 طيارات من هذ النوع من شركة  Bombardier Aerospace التندية، وغادي يتوصل بيهم المغرب فاللول ديال العام الجاي.

وهذ الطيارات الثلاثة اللي غياخد المغرب غادي تعزز أسطول المغرب فالإطفاء، وغيوصل مجموع الطيارات اللي عندنا ل8 طيارات.

والمغرب هو البلاد الوحيدة فإفريقيا وفالشرق الأوسط اللي عندو طائرات Canadair اللي كطفي العافية، هذ الطيارة كتقدر تخوي 6137 لتر من الما دقة وحدة وفثواني قليلة، ومباشرة على البلاصة اللي شاعلة فيها العافية، وهذ الما كيكون مخلط بسائل بحال الرغوة كيساعد على الإطفاء.

وكتقد هذ الطيارة، اللي كتخدم بسعة إبحار كتوصل ل359 كيلومتر، تاخد الما ديالها من الواد أو البحر أو خزان المياه فأقل من 12 ثانية.

https://m.facebook.com/story.php?story_fbid=3076957069195925&id=1529080437316937