وكالات-كود//
عسكري متخلف في ألمانيا مابغاش يسلم باليد على البنات لي خدامين معاه وهادشي خلا المسؤولين يجريو عليه حيت هادشي كيتعارض مع مبدأ المساواة بين الرجال والنساء.
الجندي الألماني معجبوش القرار وحط طعن للمحكمة الدستورية العليا.
المتحدثة باسم المحكمة بمدينة كارلسروه الألمانية قالت أنها تسلمت شكوى دستورية والعسكري قال أن باش يجريو عليه من الخدمة بسبب اختيارو هو انتهاك لحريتو الدينية.
وكانت المحكمة الإقليمية في مدينة كوبلنس أكدات قانونية القرار واعتبرت أن التصرف ديالو فيه قلة احترام لزميلاتو.
