كود احمد الطيب الرباط ////

قال مصدر رفيع المستوى ل”كود” ان زيارة وزير الخارجية الامريكي مايك بومبيو كانت ناجحة. واوضح انها حتى شكلا حملت اشارات قوية على ان المغرب شريك استراتيجي للولايات المتحدة الامريكية فالمنطقة. مصدر “كود” ذكر انه منذ 1982 لم يسبق لوزير خارجية امريكي ان زار الرباط دون باقي عواصم المنطقة٬ واضاف في حديثه ل”كود” “هادي اول زيارة لوزير خارجية امريكا لافريقيا وللمنطقة. اختار الرباط لوحدها دون غيرها. قدم اليها من اوربا. هاد الشي كولو فحد ذاتو راه نجاح كبير”.

مصدر “كود” اكد على نقطة ثانية تبرز ما اعتبره نجاحا كبير للزيارة وهي ان هذه الزيارة تدخل في اطار دينامية شهدتها العلاقات المغربية الامريكية فالاشهر الاخيرة. هاد الزيارات بدات فغشت مع جاريد كوشنير اقوى مستشاري الرئيس ترامب ومهندس مشروع الشرق الاوسط الكبير. هاذا كان جا فرمضان للمغرب وفطر مع الملك محمد السادس. تبع الزيارة الحوار الاستراتيجي اللي مشى فيها وزير الخارجية والتعاون ناصر بوريطة لواشنطن ولقاءاتو مع كبار مسؤولي ادارة ترامب من مستشاريه ووزير خارجيته. ثم جات قبل اسابيع زيارة مستشارة ترامب وبنتو الحسناء ايفانكا واللي عجبها الحال باش زارت الاراضي السلالية فسيدي قاسم واخيرا هاد الزيارة اللي كانت اول امس لوزير خارجية امريكا المخصصة فقط للرباط دون غيره. 

مصدر “كود” اوضح مؤشرا اخر على النحاج هو ما تضمنه بيان الخارجية الامريكية نفسها اللي عبر على حاجتو للمغرب فافريقيا وفمحاربة الارهاب فالمنطقة اي انو كيعتابرو شريك استراتيجي دون الحديث عن التعاون الامني من خلال الاشارة الى منصة مشتركة للتعاون الامني
المصدر قال ل”كود” ان المحادثات تطرقت للصحراء. بيان الخارجية الامريكية جا عام ولكن مصدر “كود” قلل من هاد الشي واكد ان الرباط خاصها تخدم لانها فموقف قوة دابا وان “قوية التعبير عن المواقف يضعف المواقف”