كود كازا ////

كلشي كيسول منين جاو هادوك لقنابل دعيشورا. كيفاش دخلو لكازا. لمدن اخرى. شكون دخلهم. فين هي السلطات المختصة خاصة الديوانة؟ حسب احد المعشرين فكاع ديك السلعة دخلات من الكركرات “فليام العادية الكونتر بوند كيدخل من جوجت لبلايص: سبتة والكركرات. دابا سبتة مسدودة. كاين غير الكركرات”.

ولكن علاش ما يمكنش تدخل من موانئ المغرب خاصة كازا او طنجة المتوسط؟ “لسبب بسيط هو اللي لقاوه مدخل هادوك المواد يمشي مباشرة لعكاشة. ما يمكنش شي حد كيستورد يغامر”.

راه من يوليوز 2018 كاين قانون اسمو “تنظيم المواد المتفجرة ذات الاستعمال المدني والشهب الاصطناعية الترفيهية والمعدات التي تحتوي على مواد نارية “بيروتقنية”. اللي كيدخلخا او يصنعها او يروجها بطريقة غير قانونية عندو عقوبات حبسية تبدأ من سنتين إلى خمس سنوات وبغرامة مالية بين 50 ألف و500 ألف درهم أو إحداهما،

حسب مصدر “كود” فان اكبر خطر على المغرب على اقتصادو وعلى صحتو هو اللي كيدخل من الكركرات بلا مراقبة”. وفق هاد المصدر كاين تقريبا ما بين 9 و8 مهربين متحكمين فالكركرات والدولة ما قادراش عليهم. هادو كيدخلو السلعة من ميناء نواديبو. تماك ما كاينتش مراقبة”.

بعد هاد الشي يشرح المعشر ل”كود”٬ كيدخلو هاد المواد الخطيرة بحال قنابل عيشورا فكاميوات المواد الغذائية وبلا مراقبة كيدخلو.

دابا باش دخلو القنابل دعيشورا ودارو حالة فالبلاد٬ ممكن جدا يدخل السلاح. فين الديوانة وفين الباراجات لكثار اللي كاينين من الكركرات لاسواق كازا.

وبزاف هاد الشي