كود الرباط //

علمت “كود” من مصدر في مكتب مجلس النواب، أن نبيلة منيب البرلمانية عن حزب الاشتراكي الموحد، غادي تحضر لجلسة الأسئلة الشفوية يوم الاثنين المقبل، واخا معندهاش جواز التلقيح.

وقال مصدر “كود” بلي هاد القضية ديال منع البرلمانيات والبرلمانيين  عرفت نقاش وجدل كبير وسط الاجتماع الأسبوعي لمكتب مجلس النواب، حيث وصل الأمر إلى البعض إلى التعبير عن رفض القرار الحكومي وتطبيقه على نواب الأمة، والبعض الآخر يرى بلي شي برلمانيين ميقدروش اصلا يديرو الفاكسان لأسباب صحية.

وحسب معطيات “كود” فإن مكتب مجلس النواب دارو تخريجة لهاد الخلاف، باعتماد تحليلة PCR بالنسبة للبرلمانييت لي مداروش الفاكسان ولي مزال مكملوش الجرعة الثانية.

ماشي غير منيب لي مدايراش الفاكسان، كاينين نواب تاهوما مبغاوش يديرو الفاكسان.