كود الرباط//

رئيس الفريق الاشتراكي بمجلس النواب، شقران أمام، عضو المكتب السياسي لحزب الوردة، مقدرش يجبد موضوع مشروع 22.20 في الجلسة العامة لي كانت يوم الاربعاء 20 ماي الجاري أثناء مناقشة بيانات رئيس الحكومة.

شقران، حسب مصادر “كود”، مقدرش يهضر ف الفضيحة لي جاب وزيرو محمد بنعبد القادر، حيث “تلقى توجيهات من قيادة حزبو ميجبدش الموضوع” لي تسبب ف انقسام المكتب السياسي.

رئيس الفريق الاشتراكي هضر على كولشي وانتقد الحكومة بخصوص عدم استفادة عدد من الأسر من صندوق كورونا ومسيرات احتجاجية ضد الاقصاء من الصندوق وطالب السلطات يديرو تقارير يومية عن الأماكن لي كظهر فيها البؤر.

شقران هضر على بزاف الا مشروع قانون 22.20، مقدرش يتبرأ منو الفريق الاشتراكي، هادشي غضب برلمانيين من الحزب واستغربو كيفاش تجاهل هاد المشروع، اعتبرو بلي الصمت ديالو تواطؤ مع بنبعد القادر وادريس لشكر.

برلماني عن المعارضة استغرب تهرب شقران عن الكشف عن موقف فريقه أمام الجلسة العامة، في الوقت الذي عبرت فيه عدد من الفرق النيابية عن الموقف الواضح والواضح لمشروع تكميم المغاربة.

شقران اختار يرد على بعض الانتقادات اللي طالت الحزب ديالو، في اشارة الى مداخلة عبد اللطيف وهبي الأمين لحزب “البام”، وقال “هناك أشياء لا أهتم بها ولا أرد على أشياء هامشية”.

هادشي خلا برلمانيين كيتساؤلو كيفاش كيعتبر شقران النقاش على 22.20 هامشي.