وكالات //
البوليس في ألمانيا بداو لونكيط مع بوليسية، عندها 32 عام ساكنة في مدينة نويكيرشن (Neunkirchen) بولاية زارلاند (Saarland)، حيت شكو فيها كتزور شواهد ديال الفاكسان ضد كورونا وكتبيعها للناس اللي ماباغينش يتلقحو.
في الحملة التفتيشية ديال دارها، لقاو البوليس كارطات ديال التلقيح خاوية وأخرى مزورة وأجهزة إلكترونية باش كتخدم.
المرا كانت هي وراجلها كيبيعو الشواهد بـ1000 أورو للوحدة، ودابا وقفوها مؤقتا ولونكيط معاها مستمرة برئاسة الإدعاء العام، وغالبا فاللخر غادي يجريو عليها من السربيس.
