الرئيسية > كود سبور > مستقبل المدرب إنريكي مهدد بسبب الركراكي وبونو اللي حطوه فموقف خايب مع إسبانيا
07/12/2022 11:30 كود سبور

مستقبل المدرب إنريكي مهدد بسبب الركراكي وبونو اللي حطوه فموقف خايب مع إسبانيا

مستقبل المدرب إنريكي مهدد بسبب الركراكي وبونو اللي حطوه فموقف خايب مع إسبانيا

كود سبور//

صبح مستقبل لويس إنريكي مدرب منتخب إسبانيا مهدد والسبب هو المنتخب الوطني المغربي بقيادة وليد الركراكي اللي ربحو البارح بالبيلانتيات فماتش بطولي وقصاه من ثمن نهائي البطولة.

وحسب الإعلام الإسباني فالإقصاء على يد المنتخب الوطني المغربي من ثمن نهائي كأس العالم قطر 2022، ما مسروطش للإسبان وما تقبلوهش، بالرغم أن منتخب بلادهم حاول يسلك جميع الطرق لمرمى الحارس المغربي ياسين  بونو ولكن وجد المغرب محصن الدفاع ديالو، والماتش سالا تعادل ضد منتخب مغربي اللي العالم كيشهد بلي هو من أحسن المنتخبات فكوب ديموند 2022، ومشاو المنتخبات لعبو بلانتيات والمغرب اللي غلب.

وإذاعة “واندا سيرو” الإسبانية كشفت بلي مصير لويس إنريكي مدرب منتخب إسبانيا غادي يكون هو الإقالة ملي يرجع لإسبانيا، وأكدت بلي الاتحاد الإسباني ديال كرة القدم ما بقاتش عندو الثقة فلويس إنريكي، وكيشوف بلي غادي يكون صعيب عليه يعاود يجمع المنتخب ويوقفو من بعد الإقصاء المر أمام المغرب فثمن نهائي كأس العالم قطر 2022، مع العلم أن المنتخب الإسباني شد الطيارة اليوم مع 11 ديال الصباح من مطار حمد الدولي فالعاصمة القطرية الدوحة وغادي يوصل مع 4 لعشية لمطار مدريد فإسبانيا.

وكان لويس إنريكي مدرب منتخب إسبانيا اعترف من بعد نهاية ماتش المغرب وإسبانيا، بقوة المنتخب الوطني المغربي وبلي قام بجميع الحلول باش يوصل لمرمى ياسين بونو ولكن ماقدرش والماتش حسماتو البيلانتيات اللي كان فيها المغرب متفوق بفضل ياسين بونو، واللي منح الأفضلية للأسود وقدرو يتأهلو لأول مرة فتاريخ الكرة المغربية لربع نهائي كأس العالم.

موضوعات أخرى

28/03/2024 13:00

“الهاكا” مسؤولة على فضيحة “مومو” مع “هيت راديو”. كيفاش تعطلات تخرج قرار فاكثر منشط عاقباتو

28/03/2024 12:30

من هنا لسيمانة.. اللي عندو شي طوموبيل أو موطور ففوريانات كازا ومجاش سحبهم غيتباعو

28/03/2024 12:20

جنايات فاس فرقات 33 عام ديال الحبس على ريزو د التهجير السري وها التهم اللي تابعوا بها

28/03/2024 12:19

ليلة “العشاء الأخير” فحزب الاستقلال: هادي 3 قضايا كبرى غادية تشعل حروب ف “الميزان” قبل وبعد المؤتمر

28/03/2024 12:10

جوندارم الدروة طيحو  بزناز عندو الحشيش والبوفا والغبرة والقرقوبي نواحي برشيد

28/03/2024 11:30

فهم تسطى مع نظام العسكر.. الجزائر عينات جوج قناصل فالمغرب واخا دايرين القطيعة معانا