نجوى المالحي -كود//

مابقا والو على نهائي مسابقة “اوروفيزيون” لي غادي يكون نهار السبت في تل أبيب-اسرائيل.

ومن بين المنافسين كاين المغربي بلال الحساني لي اختاروه الفرانساويين باش يمثلهم في المسابقة العالمية.

بلال قال في تصريحات صحافية أنه غادي يغني أغنية “roi” لي تشهر بيها وكيدوي فيها على المعاناة والنظرة لي عاشها وهو مثلي وكيفاش ماتقبلوهش الناس، ولكن واخا هكاك كان قوي وقدر يعيش كيف باغي بز منهم.

بلال عندو 19 اعام وفي وقت قصير ولا مشهور بزاف ، وحاليا كيعيش تفاصيل الحلم لي تحقق له وهو عالم الأضواء ولفت الانتباه.