اسماء غربي – كود//

في اتصال هاتفي  ب”گود”، اكد مسؤول في اذاعة “هيت راديو”  ان قرار حظر اغاني المغني سعد لمجرد ماشي رسمي، غايجربو يمنعوها فهاد الايام المقبلة.

و اضاف المتحدث ل”گود”، ان هاد القرار تم اتخادو بعدما وصلوهم بزاف ديال الاتصالات المتيرة من مستمعات بنات كيتشكاو من تدواز اغاني لمجرد في هيت راديو، ومنهم اللي عاشو مواقف تحرش او غيرها مع لمجرد حسب ماقالو.

و قال المسؤول ل”گود”: حنا اذاعة كنسمعو للمستمعين ديالنا، اذا ضروري غنتاخدو قرار غادي مع متطلباتهم، وهادشي كيوقع، شحال ديال الفنانين الكبار تمنعو اغانيهم بسبب شي فضيحة…”

و زاد المتحدث: “حنا ماكندينوهش، هاديك خدمة المحكمة، وطبعا كنحتارمو افتراض البراءة ديالو”.